Экологик өмә

Бөгөн, 27 ноябрь экологик өмә үтте. Был саранан барлыҡ мәктәп уҡыусылары, уҡытыусылар һәм техник хеҙмәткәрҙәр ситтә ҡалманылар.
Уҡыусылар спорт майҙансығын,техник хеҙмәткәрҙәр мәктәп территорияһын тәртипкә килтерҙе. Ҡойолған көҙгө япраҡтарҙы, сүп-сарҙы йыйып тоҡтарға тултырҙылар.
Уҡыусыларҙың бындай сарала ҡатнашыуы бигерәк ҡыуандыра. Балалар бәләкәйҙән таҙалыҡҡа, эшкә өйрәнеп үҫә.
Ә инде өмәлә ҡатнашыусыларҙың барыһына ла ҙур рәхмәтебеҙҙе белдерәбеҙ, киләсәктә лә шулай ихлас булыуҙарын, аяҡ-ҡулдары һыҙлауһыҙ булыуын теләйбеҙ!
Бындай өмәләр артабан да аҙна һайын үткәреләсәк. Әүҙемерәк ҡатнашырға саҡырабыҙ! Таҙалыҡ үҙебеҙҙән башлана!